Mozilla Firefox ne Shqip

Ka dale dhe versioni 2.0 por nuk eshte akoma ne Shqip me duket ... per me shume vizitoni faqen!
http://www.mozilla-europe.org/sq/

Karakteristika

Gëzojuni një Përvoje Web Më të Mirë
Në Web ka plot gjëra për të bërë, dhe Firefox 2 është plot me karakteristika të dobishme për ta bërë kohën tuaj online më prodhimtare.

Shfletim me Skeda i Përmirësuar
Na pëlqejnë skedat aq sa edhe ju, ndaj me Firefox 2 faqet e reja web do të hapen, si parazgjedhje, në skeda. Secila prej këtyre skedave ka butonin e vet të mbylljes, por mos u bëni merak - nëse mbyllni padashur një skedë, thjesht shkoni te menuja Historik për ta pasur prapë prej listës së “Skedave të Mbyllura së Fundmi”. As do të tkurreni më nga mungesa e vendit. Kur ju duhet të nxërë shumë skeda të hapura në një dritare të vetme, në cilëndo prej anëve do të shfaqen shigjeta rrëshqitjeje, dhe një buton në anën e djathtë do t’ju tregojë përherë një listë që mund lexohet lehtë me tërë skedat e hapura.

Rikthim Sesionesh
Humbja e fillit ndërkohë që jeni duke u marrë me diçka në Web është mundim. Tashmë me ”Rikthim Sesionesh”, nëse Firefox-i mbyllet pa dashje apo i duhet të riniset, mund të zgjidhni saktësisht ku qetë pasi të jetë rihapur. Dritaret dhe skedat ku qetë, teksti që dhatë nëpër formularë, dhe shkarkimet në rrugë e sipër që bënit do të rimerren të tërë. Mund edhe ta rregulloni Firefox 2 të rimarrë përherë sesionin tuaj të mëparshëm në vend të ngarkimit të një faqeje hyrëse, kështu që nuk do të humbni më fillin sërish.

Kontroll Drejtshkrimi
Ngandonjëherë jeni me ngut, dhe nuk ju kujtohet nëse bëhet fjalë për ”zh” në vend të ”ç”-së apo e kundërta. Firefox 2 ka kontroll drejtshkrimi të brendshëm për t’ju parandaluar të bëni gabime gjatë postimesh në blogje dhe email me bazë Web, kështu që mund të merakoseni për gjëra më me rëndësi.
Këshillime Kërkimi
Disa motorë kërkimi në Firefox 2 mund t’u lexojnë mendimet, dhe t’ju këshillojnë terma kërkimi për çfarë po kërkoni. Thjesht filloni të shkruani te shtylla e Kërkimeve, dhe do të shfaqet një listë hapmbyll me këshillime. (Funksionon me Google, Yahoo! dhe Answers.com.)

Prurje Web (RSS)
Çfarë kanë të përbashkët titujt e lajmeve, indie rock podcast-et, dhe fotot me kotele? Janë të tërë objekte të cilët mund t’i keni përmes prurjesh Web. Firefox 2 ju jep kontroll të plotë mbi prurjet Web, duke ju shfaqur një paraparje dhe lejuar të zgjidhni se si të regjistroheni. Mund të përdorni një Faqerojtës të Gjallë Firefox-i, një lexuesh prurjesh që e keni instaluar në kompjuterin tuaj, ose një shërbim Web si p.sh. My Yahoo!, Bloglines ose Google Reader.

Tituj të Gjallë
Mos ja ndani sytë një ankandi ose fazës së një dërgese duke përdorur karakteristikën e re “Tituj të Gjallë“ në Firefox 2. Mjaft i përkorë, sa zë vend sa një etiketë faqerojtësi, “Titujt e Gjallë“ përditësohen rregullisht me përmbledhje të dhënash më të rëndësishme nga një faqe Web. Dora dorës që përditësohen të dhënat në atë faqe, njësoj ndodh edhe me “Titujt e Gjallë“. Bëni një provë me Firefox 2 duke faqeruajtur www.woot.com.

Kërkim i Integruar
Firefox-i ju ndihmon të gjeni çfarëdo qoftë ajo që po kërkoni. Shtylla e Kërkimeve vjen e parangarkuar me motorë kërkimi për Google, Yahoo!, Amazon, eBay, Answers.com, dhe Creative Commons. Kudo që të jeni në Web, mund të jepni një zë kërkimi te Shtylla e Kërkimeve për të pasur përgjigje të menjëhershme prej motorit të kërkimeve që zgjodhët. Mund të përzgjidhni në çdo kohë një motor të ri kërkimesh prej menusë së shtyllës së Kërkimeve dhe të shtoni motorë kërkimesh prej qindra site-esh Web të parapëlqyer prej jush.

Faqerojtës të Gjallë
Faqerojtësit e Gjallë të Firefox-it ju lejojnë të shihni te paneli ose menuja e faqerojtësve prurje Web të tilla si lajme dhe tituj blogjesh. Me një shikim, hidhini një sy titujve të fundit prej “site“-eve tuaj të parapëlqyer dhe mund të klikoni për të shkuar drejt e te artikujt që ju interesojnë.

Bllokues Flluckash
Firefox-i ju mundëson kontrollin e faqeve Web që shihni, duke bllokuar fllucka bezdisëse. Bllokuesi i flluckave te Firefox-i ju njofton kur bllokohen fllucka përmes shtyllës së të dhënave ose ikonës në cepin e poshtëm djathtas të ekranit.

Ndërfaqe e Rrjedhshme
Ndërfaqja e përdoruesit për Firefox 2 është përditësuar për të përmirësuar përdorimin pa prekur familiaritetin me përvojën e deritanishme të shfletimit.

Lehtësi
Firefox-i mundëson përvojë më të mirë shfletimi për këdo - përfshi ata që kanë probleme të pari. Firefox-i përfshin mbulim për DHTML accessibility. Hartuesit Web mund të krijojnë faqe me numër të ulët skedash që duhen përdorur për të shfletuar një dokument, apo zvogëlojnë sa të jetë e mundur përdorimin e tasteve për ata që kanë probleme me ta. Firefox-i përfshin gjithashtu mbulim për Microsoft Active Accessibility, standardi Microsoft mbi accessibility API për Windows. Kjo i lejon Firefox-it të punojë me lexuesa ekrani si GW Micro’s Window-Eyes dhe Freedom Scientific’s JAWS.

Qëndroni i Sigurtë në Web
Web-i është vend i bukur, por ngandonjëherë do të takoheni edhe me njerëz të mbrapshtë. Firefox-i ju ruan nga spyware, scammers dhe spammers, duke përdorur për mbrojtjen tuaj të përhershme fuqinë e një bashkësie syhapur dhe plot pasion.
Mbrojtje nga Phishing
Mbrojtja nga phishing e kalon sigurinë e Firefox-it në një shkallë të re, duke ju ndihmuar të ruani të dhënat tuaja financiare dhe mbroheni nga vjedhjet e identitetit. Kur hasni një "site" Web i cili dyshohet si i rrejshëm (njohur edhe si “phishing site”) Firefox-i do t’ju sinjalizojë dhe ofrojë kalimin te një faqe kërkimi, që kështu të mund të gjeni "site"-in e vërtetë Web që po kërkoni.

Burim i Hapur, Më i Sigurtë
Në zemër të Firefox-it qëndron procesi i zhvillimit me burim të hapur, i shtyrë përpara nga mijëra të apasionuar, zhvillues të sprovuar dhe ekspertë sigurie shpërndarë në mbarë botën. Hapja jonë dhe bashkësia vepruese e të sprovuarve ndihmon që të sigurohet në produktet tanë siguri më e madhe dhe përditësim më i shpejtë, duke ju mundësuar po ashtu të përfitoni nga mbikqyrje sigurie dhe mjete vlerësimi prej palësh të treta, për të forcuar më tej sigurinë në përgjithësi.

Përditësim i Vetvetishëm
Sistemi i përditësimit të Firefox-it kontrollon përherë për të parë nëse xhironi versionin e fundit, dhe ju njofton kur ka të passhëm një përditësim sigurie. Këta përditësime sigurie janë të vegjël (zakonisht 200KB - 700KB), duke ju dhënë kështu atë çka lipset dhe duke e bërë përditësimin e sigurisë të shpejtë në shkarkim dhe instalim. Sistemi i vetvetishëm i përditësimit ofron përditësime për Firefox-in në Windows, Mac OS X dhe Linux, në mbi 40 gjuhë të ndryshme.
Mbrojtje nga Spyware
Firefox-i nuk do të lejojë një "site" Web të shkarkojë, instalojë, ose xhirojë programe në kompjuter pa miratimin tuaj shprehimisht. Pikë. Do të njoftoheni sa herë që shkarkoni ose instaloni software, dhe Firefox-i do t’ju tregojë përherë se çfarë ndodh që kështu të keni gjithmonë kontrollin e kompjuterit tuaj.

Pastrim Të Dhënash Vetjake
Firefox-i ofron mundësinë e pastrimit të të tëra të dhënave tuaja vetjake që i takojnë shfletimit në Web, thjesht me një klik të vetëm te mjeti “Pastro Të dhëna Vetjake”. Mund të kini besim se kur pastroni të dhënat tuaja vetjake në Firefox ato zhduken - qoftë kur përdorni kompjuterin tuaj, qoftë një nga ata të bibliotekës.

Personalizoni Shfletuesin Tuaj
Zgjidhni prej mijëra Shtesash të dobishme që e thellojnë Firefox-in. Është e lehtë ta personalizosh Firefox 2 për ta bërë si e doni.

Shtesa për Këdo
Mund të zgjidhni prej mbi 1000 shtesash te addons.mozilla.com. Një shtesë Firefox-i mund t’ju ndihmojë të krahasoni çmime, t’i bëni faqerojtësit tuaj të përbashkët me miqtë tuaj, të shihni në cepin e shfletuesit motin, të shkruani blogun tuaj, të kini lajmet, të dëgjoni muzikë - tërë këto nga brenda shfletuesit që e keni tashmë për zemër. Mundet madje edhe të ndryshoni dukjen e shfletuesit tuaj - që nga butonat deri te ngyrat dhe gërmat - që të përputhet me stilin tuaj vetjak.

Përgjegjës Shtesash
Përgjegjësi i ri i Shtesave përmirëson ndërfaqen e përdoruesit për administrimin e zgjerimeve dhe temave, duke e bërë përshtatjen e Firefox 2 akoma më të lehtë. Instaloni, çinstaloni, aktivizoni dhe çaktivizoni shtesat tuaja që prej një vendi të vetëm.

Përgjegjës Motorësh Kërkimi
Tani mund të shtoni, hiqni dhe riradhisni shpejt motorët tuaj të kërkimit te shtylla e Kërkimit. Firefox 2 do të zbulojë gjithashtu kur një “site“ Web ka një motor kërkimi që mund të instalohet, dhe me një klik të vetëm do ta instalojë për ju te menuja hapmbyll.

ok lale
flm